Arzu Rzayev

Arzu Asif oğlu Rzayev 5 mart 1963-cü ildə Bakı şəhərində anadan olub. 1969-1979-cu illərdə 190 saylı məktəbdə oxuyub. 1980-ci ildə Xalq Təsərrüfatı İnstitutunun mühasibat və onun analizi fakültəsi üzrə təhsil alıb.
Əmək fəaliyyətinə elə orta məktəbi bitirdiyi illərdən başlayıb. 
1989-2023-cü illərdə Azərbaycan Dövlət Akademik  Opera və Balet Teatrında direktor muavini vəzifəsində çalışıb, 2023-2025-ci illərdə isə Abşeron Rayon Mədəniyyət Mərkəzinin direktoru olub.
2025-ci ilin aprel ayından Azərbaycan Dövlət Akademik Musiqili Teatrının direktor muavini vəzifəsində işləyir.
 2007-ci ildə ölkə başçısı İlham Əliyevin müvafiq Sərəncamına əsasən, Azərbaycan Respublikası Əməkdar mədəniyyət işçisi,  2012-ci ildə isə Azərbaycan Respublikası Mədəniyyət Nazirliyinin təsis etdiyi Fəxri mədəniyyət işçisi adlarına layiq görülüb. 
Ailəlidir, iki övladı var.