Həmid Həmzəyev

Həmid Alek oğlu Həmzəyev 26 yanvar 1991-ci ildə Bakı şəhərində anadan olub. 1997-2006-ci illərdə Tovuz rayonu Aşağı Ayıblı kəndi 1 saylı kənd orta məktəbində təhsil alıb. 2010-2014-cü illərdə Şuşa Humanitar Kollecinin Xalq çalğı alətləri fakültəsində təhsil alıb. 2014-cü ildə Azərbaycan Dövlət Mədəniyyət və İncəsənət Universitetinin Estrada sənəti fakültəsinə qəbul olmuş və 2018-ci ildə oranı bitirmişdir. 2018-ci ildən Azərbaycan Dövlət Akademik Musiqili Teatrında xor artisti vəzifəsində çalışır.

Həmid Həmzəyev repertuarda olan “O olmasın, bu olsun”, “Arşın mal alan”, “Ər və arvad”, “999-cu gecə”, “Amerikalı kürəkən”, “Bir dəfə Bağdadda”, “Qafqazlı qardaşqızı”, “Qısqanc ürəklər”, “Qızıl toy”, “Talelər qovuşanda”, “Toya bir gün qalmış”, “Sevənlərindir dünya”, “Adamın adamı”, “Beş manatlıq gəlin”, “Leyli və Məcnun”, “Baladadaşın toy hamamı”, “Paris Notr-Dama ithaf”, “Bəxtiyar”, “Qadınım”, və s. tamaşalarda xor artisti kimi iştrak edir.