Musiqili Teatrın əməkdaşları Xanım Qafarovanın evində oldu

Dünya Azərbaycanlılarının Həmrəylik Günü və  Yeni İl bayramında hər kəsi sevindirməyə çalışan  Azərbaycan Dövlət Musiqili Teatrının kollektivi onların sırasını bu il tərk etmiş aktrisa Xanım Qafarovanın ailəsini də unutmadı. Uzun illər bu teatrda çalışmış X. Qafarovanın ailəsini, xüsusilə də 6 yaşlı qızı Gövhər Qafarovanı bütün əlamətdar günlərdə yad edən sənətçilər bu gün mərhum aktrisanın ailəsinə baş çəkdi. Musiqili Teatrın direktoru, Əməkdar incəsənət xadimi, fəlsəfə doktoru Əliqismət Lalayevin təşəbbüsü ilə Xanım Qafarovanın aliəsinə bayram sovqatı və hədiyyələrlə yanaşı, maddi yardım da göstərildi. Mərhum aktrisanın anası Gövhər Qafarova hər zaman ailələrinə göstərdiyi diqqət və qayğıya görə Əliqismət Lalayev başda olmaqla Musiqili Teatrın bütün kollektivinə minnətdarlığını bildirdi.