Karantin günlərində Akademik Musiqili Teatrın fəaliyyətinə həsr olunmuş videokonfrans keçirildi

Xüsusi karantin günlərində Azərbaycan Dövlət Akademik Musiqili Teatrının kollektivinin ev şəraitində ümumi fəaliyyətinin tənzimlənməsinin təşkili və​ bu qəbildən olan həlli vacib digər məsələlərin müzakirələrinə həsr edilmiş​ videokonfrans keçirilib.
Sahə rəhbərlərinin də iştirak etdiyi konfransda çıxış edən Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev ölkəmizdə koronavirus (COVİD-19) infeksiyasının qarşısının alınması məqsədilə ​dövlət tərəfindən tətbiq edilən sosial izolyasiya tədbirləri ilə əlaqədar​ son günlərdə teatrın gördüyü işlərdən, "Evdə qal, sağlam qal" kampaniyası çərçivəsində təqdim olunan yeni-yeni​ layihələrdən danışıb. 
O, Mədəniyyət Naziri​ Əbülfəs Qarayevin mövcud vəziyyətlə əlaqədar teatrların fəaliyyətinə həsr olunmuş onlayn toplantısında ​səsləndirdiyi​ tələb və tövsiyələri, eyni zamanda​ digər önəmli məsələləri bir daha​ konfrans iştirakçılarının diqqətinə çatdırıb.
Akademik Musiqili Teatrın öz fəaliyyətini Azərbaycan Respublikası Nazirlər Kabinetinin müvafiq qərarları və Nazirlər Kabineti yanında Operativ Qərargahın müəyyənləşdirdiyi qaydalara uyğun davam etdirdiyini bildirən Ə.Lalayev yaşı 65-dən​ yuxarı və qayğıya ehtiyacı olan teatr əməkdaşlarının problemləri ilə daha yaxından və​ mütamadi şəkildə maraqlandığını, eyni zamanda bu problemlərin​ həll edildiyini​ nəzərə çatdırıb. Teatrın​ ​günün tələblərinə uyğun müasir texnoloji vasitələrdən və beynəlxalq təcrübədən​ yararlanaraq, fəaliyyətini virtual qaydada davam etdirməsi, sosial şəbəkələr üzərindən teatrın repertuarında olan tamaşaların onlayn nümayişinin yüksək səviyyədə​ təşkil edilməsi barəsində tövsiyələrini verən direktor bu sahədə Azərbaycan Televiziyasının "Mədəniyyət" kanalının​ xüsusi​ rolunu da​ vurğulayıb və kanal rəhbərliyinə təşəkkürlərini bildirib: "Bir çox layihələr sosial şəbəkə hesablarımız vasitəsilə həyata keçirilsə də, bu çətin günlərdə teatr kollektivinin fəaliyyətinin daha geniş auditoriyaya təqdim olunmasında​ "Mədəniyyət"​ kanalının rolu əvəzolunmazdır".
Ə.Lalayev xüsusi qeyd edib ki, Teatrın inzibati binasında ardıcıl olaraq dezinfeksiya işlərinin aparılması və hazırda orada​ müvafiq qurumların icazəsi ilə çalışan teatr əməkdaşların fəaliyyətlərinə​ ciddi nəzarət olunur: "Hazırkı vəziyyət müvəqqəti xarakter daşısa da,​ yaradıcı heyətdən​ yeni və müasir standartlara cavab verən, yeni üsullarla hazırlanan layihələr tələb edir, eyni zamanda ​yüksək çəkiliş keyfiyyəti olan tamaşaların videomateriallarının daha geniş ictimaiyyətə təqdim edilməsi zərurətini doğurur".
Yaranmış fasilədən teatrın əməkdaşlarının səmərəli istifadə etmələri, yaradıcılıq axtarışlarının​ aparılması, yeni ideyalar üzərində düşünməyin vacibliyi, gələcəkdə teatrın​ fəaliyyətinin inkişafını daha da yaxşı təmin etmək üçün təkliflər səslənib. Bu gün "Evdə qal" kampaniyasına qoşulan kollektivin hər bir üzvü​ Akademik Musiqili Teatrın sosial şəbəkə hesablarında təqdim olunan istər yeni, istərsə də retro tamaşaların yayımlanmasında iştirak edir.​ Repertuarın zənginləşdirilməsi istiqamətində teatrın rejissorları quruluş verdikləri yeni tamaşaların yaradıcı heyətləri ilə birgə məşqlərini ev şəraitində davam etdirirlər. 
Virtual görüşdə iştirak edən teatrın direktor müavinləri – Hüseyn Hüseynov və sənətşünaslıq üzrə fəlsəfə doktoru​ Vəfa Mühacirova hesabat xarakterli çıxışları ilə karantin rejiminin ilk günlərindən indiyə qədər reallaşdırılan layihələr və​ ​ yaradıcı heyətin gələcək fəaliyyətləri üçün nəzərdə tutulan proqramları açıqlayaraq bildiriblər ki,​ kollektivin hər bir üzvü ilə müasir texnoloji vasitələrlə​ mütamadi əlaqə saxlanılır, onlara karantin qaydalarına ciddi şəkildə əməl olunması tələbi və rəhbərliyin tapşırıqları çatdırılır. Bildirilib ki, Teatrın aktyor heyəti, xor, balet truppası, orkestrın ​fəaliyyəti videokonfranslar​ rejimi vasitəsilə tənzimlənir, onlara tapşırıqlar​ verilir və ​sonda görülən​ işlərin hesabatları soruşulur.​ ​ ​
Videokonfransda​ ​teatrın truppa rəhbəri, Əməkdar Mədəniyyət işçisi Vidadi​ Həsənov,​ teatrın baş dirijoru Əməkdar İncəsənət Xadimi​ Fəxrəddin Atayev, Əməkdar artistlər – teatrın baş xormeysteri Vaqif Məstanov, teatrın balet truppasının​ baletmeysterləri – Zakir və Yelena Ağayevlər və teatrın videomateriallarının​ rejissoru, montajçı-operator​ Hikmət Şahverdizadə və başqaları da çıxış edərək ayrı- ayrı sahələrin​ fəaliyyəti barədə məlumat verib​,​ təkliflər səsləndiriblər.​

Videokonfransda​ ölkəmizdə koronavirus infeksiyası ilə mübarizədə Prezident İlham Əliyevin və Birinci vitse-prezident Mehriban xanım Əliyevanın​ həyata keçirdikləri​ tədbirlərin əhəmiyyəti​ böyük minnətdarlıq hissi ilə dönə-dönə vurğulanıb, tətbiq edilən xüsusi qayda və tövsiyələrə hər bir ölkə​ vətəndaşının​ ​əməl etməsinin​ vacibliyi​ ​xüsusi olaraq diqqətə çatdırılıb.