Sehrli Nəğmə

“Sehrli nəğmə" musiqili tamaşası hər bir insanın həyatında ən əsas bağlılıqdan biri olan ana və övladın bağlılığı haqqında bəhs edir. Tamaşanın baş qəhrəmanı olan oğlan böyümək istəmir. Özünə məlum olmayan hər şeydən qorxan və körpə beşiyində yatmağa davam etmək istəyən bu oğlanın gözünə əjdahalar görünür. Yuxusunda oğlan öz nağıl, qorxu və xəyallar aləminə düşür. Orada onu qeyri-adi görüşlər, çətin sınaqlar gözləyir. Ancaq oğlan hər şeyin öhdəsindən mütləq gələcək. Axı, o hətta yuxuda belə anasının onu öz sevgisi ilə isidən səsini eşidir. Ana laylası oğlanın möcüzəli yolunda bir bələdçiyə çevrilir.

Qəhrəmanımız yuxusunda müdrik Simurq quşu, hiyləgər Qulyabanı, təhlükəli Div, zirək Cırtdan, bir-birinə aşiq olan Ay və Ulduz kimi xeyir və şər nağıl personajları ilə rastlaşır. Yuxunun lap əvvəlində bu oğlan Atla rastlaşır və onunla birlikdə səyahətə çıxır, Atın simasında özünə dost tapır. Hər bir personajla görüşdükdə o, özünün böyüməsi yolunda bir addım atır. Mənfi personajlar oğlanı daha cəsarətli edir, müsbət personajlar isə onda kömək etmək istəyi və mərhəmət hissi oyadır. Baş qəhrəmanın bütün görüşləri musiqi və rəqslərlə müşayiət olunur. Bunun sayəsində tamaşaçılar nağılın sehrinə daha çox qərq olur.

Nağıllar aləminə səyahətdə oğlanı Ağsaqqal müşayiət edir. Ağsaqqal sadəcə qoca nağılçı deyil, sonda məlum olur ki, o qocalıqda oğlanın elə özü imiş. Baş qəhrəmanın nağılçı ilə əlaqəsi sayəsində oğlanın uzunömürlü və müdrik olacağı aydın olur.

Yuxunun sonunda oğlan bütün qorxularından azad olur, böyüyür, daha müstəqil olur. Bundan əlavə, tamaşanın sonunda oğlan başqasına görə məsuliyyəti öz üzərinə götürməyə və Atın sahibi çıxmağa hazır olduğunu başa düşür.

“Sehrli nəğmə” tamaşası musiqi, rəqs və mahnılarla dolu poetik bir səyahətdir. Bu, hər kəsə mümkün qədər öz imkan və bacarıqlarını bilmək, qorxuların üzünə dik baxmaq, onları dəf edib öz yoluna davam etmək haqqında hekayədir.

Tamaşa Mədəniyyət Nazirliyinin dəstəyi və Azərbaycan Dövlət Akademik Musiqili Teatrının tərəfdaşlığı ilə Cartier Evi tərəfindən hazırlanmışdır. İstehsal üzərində Rusiya və Azərbaycan mütəxəssislərinin yaradıcı birliyi çalışıb, onların hər biri işə özünəməxsus töhfə verib. Beynəlxalq komandanın yaradıcı əməkdaşlığı təcrübə mübadiləsinə, mədəniyyətlərarası dialoqa, öz ənənələrini və irsini əziz tutan nəsillərin dialoquna təkan olmuşdur. Bakı teatrı üçün bu mühüm hadisə hər zaman müxtəlif mədəniyyətlərin bədii motivlərini öyrənməyə, tanımağa, dərk etməyə çalışan Cartier Evinin 175 illik tarixində yeni bir mərhələ oldu.

 

 

 

Sehirli Nəğmə

Quruluşçu heyət

Quruluşçu rejissor	Anton Morozov
Bəstəkar	Diana Hacıyeva
Xoreoqraf	Max Petrov
Tamaşanın bədii tərtibatı və geyim üzrə rəssam	Alina Korıtova
Dramaturq	Polina Korotıç
İşıq üzrə rəssam	Konstantin Binkin
Quruluşçu dirijor	Fəxrəddin Atayev (Əməkdar incəsənət xadimi)
Dirijor	Səməd Süleymanlı
Konsertmeyster	Kamil Həsənov
Rejissor assistenti	Afər Tağıyeva
Bədii tərcümənin müəllifi	Aytən İsmixanova
Folklor məsləhətçisi	Fərhad Fərzəli
Folklor məsləhətçisi	Mariya Nəzərova
İdeya müəllifi və yaradıcı direktor	Viktoriya Motornyuk
Art direktor	Miroslava Bayda
Yaradıcı prodüser	Anastasiya Şevçenko
İcraçı Prodüser	Yelizaveta Lyubimova

İlk tamaşa 18 dekabr 2022-ci ildə oynanılmışdır.

Tamaşada səslənən laylayın müəllifləri

Musiqi	Zakir Bağırov
Sözlər	Bəxtiyar Vahabzadə

 

Rollar və ifaçılar

Ana	Gülnarə Abdullayeva
Oğlan	Zaur Əliyev, Kamran Həsənov
Oğlanın dostları	Aynurə Əsgərova (balet artisti), Mehrac Talıbzadə (balet artisti)
Ağsaqqal	Ələkbər Əliyev (Əməkdar artist), İqrar Salamov
Qulyabanı	Adelin Öztürk, Nigar Qarayeva
Göy uşaqlar	Aynurə Əsgərova (balet artisti), Mehrac Talıbzadə (balet artisti)
At	Hüseyn Əlili, Murad Əliyev
Simurq	Ülviyyə Əliyeva, Ofeliya Novruzqızı
Cırtdan	Əli Kərimov
Ulduzlar	Fatimə Vəliyeva (xor artisti)
Ay	Elşad Qasımov (xor artisti)
Balet artistləri	Yaqub Bəhramov, Roman Krasnov, Məhəmməd Abdullayev, Anar Abdullayev, Elvira Əzizova, Anna Cabbarova, Mətanət Rəcəbli, Cəmilə Mansurova

Tamaşada Azərbaycan Dövlət Akademik Musiqili Teatrın orkestri iştirak edir.