Anamın kitabı

Cəlil Məmmədquluzadə

 

ANAMIN KİTABI

(Bir hissəli ingilissayağı dram)

(Səhnələşdirmə İ.Gözəlovanın, tərcümə T.Rəsulovundur.)

 

Azərbaycanın dahi dramaturqu Cəlil Məmmədquluzadə bütün əsərlərində hər dövrə aid olan aktual mövzulara toxunub. Bu mövzular bugünkü günümüzlə səsləşir, bizi narahat edir və düşündürür. Böyük dramaturqun “Anamın kitabı” əsərində əsas mövzu üç qardaşın dil, din, düşüncə tərzlərinin fərqliliyi nəticəsində aralarında yaranan sürəkli mübahisə və münaqişələrdir. Əsərin baş qəhrəmanı olan Ana oğullarını öz milli-mənəvi dəyərlərinə sahib olmağa, ana dilinə yiyələnməyə və birliyə çağırır. Oğullar isə daha çox müasir dünyanın tələblərinə cavab verməyə can atır, nəticə etibarı ilə innovativ texnologiyalarla zəngin bir mühitin fonunda öz milli dəyərlərini itirmək təhlükəsi ilə üz-üzə qalırlar.

Beləliklə, ana övladları ilə mübarizəyə başlayır. Onun qəlbini dəlib-deşən dərd yükü isə səngimir, daha da alovlanır, sanki rəvayətlərdəki əcaib-qəraib bir əjdahaya çevrilir. Çox təəssüf ki, bu çətin mübarizədə əjdaha boyda dərd yükü ananı məğlub edir.

Təbii ki, müasir dövrümüzün tələblərinə uyğun yeni texnologiyaları, xarici dilləri mənimsəməyin faydaları çoxdur, lakin hər kəs öz doğma ana dilini, milli dəyərlərini, tarixini bilməlidir. Ana dilini bilmək özünüdərk və müqəddəs amaldır.

 

 

 

 

Quruluşçu rejissor və musiqi tərtibatı	İradə Gözəlova
Quruluşçu rəssam	Vüsal Rəhimov
Tamaşanın plastik həlli	Pərviz Məmmədrzayev (Xalq artisti), Zaur Əliyev
Video görüntü	Murad Həsənov
İngilis dili müəllimi	Nabat İslamzadə
Rejissor assistenti	Zaur Əliyev

 

Tamaşanın premyerası 15 və 16 oktyabr 2022-ci ildə oynanılmışdır.

 

 

 

 

Rollar və ifaçılar

Zəhrabəyim ana	Nərmin Əliyeva (Azərbaycan Dövlət Akademik Musiqili Teatrı), Türkan Şahmarlı (Bakı Uşaq və Gənclər Teatrı)
Rüstəm	Hüseyn Əlili (Azərbaycan Dövlət Akademik Musiqili Teatrı), Nicat Həbibov (Azərbaycan Dövlət Akademik Musiqili Teatrı)
Səməd	Səmədzadə Xasıyev (Azərbaycan Dövlət Akademik Musiqili Teatrı)
Məhəmmədəli	Zaur Əliyev (Azərbaycan Dövlət Akademik Musiqili Teatrı)
Gülbahar, Katibə	İranə Kərimova (Azərbaycan Dövlət Akademik Musiqili Teatrı), Aygün Fətullayeva (Azərbaycan Dövlət Gənc Tamaşaçılat Teatrı), Nəzrin İsmayılzadə (Azərbaycan Dövlət Akademik Musiqili Teatrı), Adelin Öztürk (Azərbaycan Dövlət Akademik Musiqili Teatrı)
Qurban	Əli Kərimov (Azərbaycan Dövlət Akademik Musiqili Teatrı)
Tərcüməçi	Sübhan Rüstəmov (Azərbaycan Dövlət Akademik Musiqili Teatrı)
Zivər	Nərmin Əliyeva, Nəzrin İsmayılzadə (Azərbaycan Dövlət Akademik Musiqili Teatrı), Adelin Öztürk (Azərbaycan Dövlət Akademik Musiqili Teatrı)
Polis və baytar	Nurlan Süleymanlı (Azərbaycan Dövlət Gənc Tamaşaçılar Teatrı)
Xadimə	Türkan Şahmarlı (Bakı Uşaq və Gənclər Teatrı), Zaur Əliyev (Azərbaycan Dövlət Akademik Milli Dram Teatrı)