Azərbaycan Dövlət Musiqili Teatrı

Хəbərlər

Xalq artisti İlham Namiq Kamalın 70 illik yubileyi qeyd olunacaq



Xalq artisti İlham Namiq Kamalın 70 illik yubileyi qeyd olunacaq 

İyunun 12-də Akademik Musiqili Teatrın səhnəsində Xalq artisti, "Şöhrət” ordenli, professor İlham Namiq Kamalın 70 illiyinə həsr olunmuş təntənəli yubiley gecəsi keçiriləcək.

AZƏRTAC xəbər verir ki, yubiley tədbirinin ssenari müəllifi Qasım Səfəroğlu, quruluşçu rejissoru Cavid İmamverdiyev, rəqslərin quruluşu Əməkdar artistlər Zakir və Leyla Ağayevalara məxsusdur.

Yubiley axşamı benefis formasında həll olunub. Benefis axşamında aktyorun səsləndirdiyi mahnılar, monoloqlar, videobloklar nümayiş olunacaq. Tədbirdə həmçinin Akademik Musiqili, Akademik Dövlət Dram, Akademik Opera və Balet, Abdulla Şaiq adına Kukla teatrlarının, həmçinin sənətkarın kafedra müdiri olduğu Mədəniyyət və İncəsənət Universitetində yetişdirdiyi, hazırda teatrda çalışan aktyorların, sənət dostu, Xalq rəssamı Arif Hüseynovun, Xalq artisti Azər Zeynalovun, Əməkdar artistlər Gülüstan Əliyevanın, Əkbər Əlizadənin, sənətkarın qardaşı, Xalq artisti Cəfər Namiq Kamalın və digərlərin təbrik və çıxışları səslənəcək. Benefis axşamında aktyorun iştirak etdiyi tamaşalardan, filmlərdən parçalar nümayiş olunacaq. Gecədə 70 yaşlı sənətkar tədbirin əvvəlindən sonunadək həm yubilyar, həm aparıcı, həm də iştirakçı kimi səhnədə olacaq.






Baxış sayı:180 | Şərhlər:0 | Müəllif: | Əlavə olunma tarixi:3-06-2019, 13:37

Şərhlər

Facebook
Faydalı linklər
Heydər Əliyev Fondu
Azərbaycan Prezidenti İlham Əliyev
Azərbaycan Respublikası Mədəniyyət və Turizm Nazirliyi
Счетчик

Яндекс.Метрика