Azərbaycan Dövlət Musiqili Teatrı

Aktyorlar

Yuliya Heydərova

Yuliya Heydərova


Heydərova Yuliya İqoryevna 7 mart 1979-cu ildə  Bakı şəhərində anadan olub.
1996-2000-ci illərdə "Atikva" xorunda solist kimi fəaliyyətə başlayıb. 1998-ci ildə Bakı Musiqi Akademiyasının solo ifaçılığı fakültəsinə daxil olub. 2002-ci ildə bakalavr pilləsini (Azərbaycanın xalq artisti Natəvan Şeyxovanın sinfində) uğurla başa vurub.  Elə həmin il magistraturaya daxil olub və 2004-cü ildə SSRİ xalq artisti professor Fidan Qasımovanın sinfini bitirib. 
2008-2010-cu illərdə Bakı Musiqi Akademiyasında (Fidan və Xuraman Qasımovanın sinfində) aspirantura pilləsi üzrə təhsil alıb. 
Respublika və beynəlxalq festivallar laureatrı Yulya Heydərova öz peşəkar fəaliyyəti ilə  hər zaman ökəmizi müxtəlif beynəlxalq tədbirlərdə layiqincə təmsil edib.  O,  Bülbül adına (Azərbaycan), Glinka adına (Rusiya), Monyuşko adına (Polşa), Çaykovski adına (Rusiya), Boris Xristov adına (Bolqarıstan), Leyla Gencer adına (Türkiyə), İvanov adına (Rusiya) və s. festivalların iştirakçısı olub. Eyni zamanda müxtəlif illərdə Türkiyə, Rusiya, Polşa, Ukrayna, Gürcüstanda  solo konsertlərlə çıxış edib. 
İstedadlı aktrisa teatr sahəsində daha da püxtələşmək üçün görkəmli sənətkarlardan   (İ.Arxipova, G. Vişnevskaya, E. Obraztsova, Atlantov, Kord, L.Gergiev, V. Tolkunov, Bieşu, M. Freni, Grayer, I.Pyavko, Nesterenko, Miloviç, M. Donald və b.) ustad dərsləri alıb. O, 2000-ci illərdə Rusiyada  "Rodniki duşi" və "Ruskaya Pesnya” beynəlxalq müsabiqələrində 1-ci yerlərə layiq görülüb.  
2000-ci ildə istedadlı vocal ifaçısı Azərbaycan Dövlət Akademik Musiqili Teatrına artist-vokalist vəzifəsinə qəbul olunmuşdur. İşlədiyi müddət ərzində  Zarri ("İdialı qaraçı” İ.Kalman), Liza ("Maritsa”İ.Kalman), Stassi ("Silva” İ.Kalman), Gülçöhrə ("Arşın mal alan” Ü.Hacıbəyli), Roksanna ("Neistovıy qasqonets"), Suzanna ("Fransızsayağı qarnir” M.Kamoletti), Giasinta ("Skapenin kələkləri” J.B.Molyer), Mixey ("Qızıl toy” O.Kazımi, R.Heydər), Natavan və Lalə ("Qafqazlı qardaşqızı” R.Hacıyev), Zuleyxa ("Bir dəfə Baqdadda” E.Sabitoğlu, V.Kalmanovaski) kimi obrazları özünəməxsuz ustalıqla oynamışdır.
23 noyabr 2019-cu il tarixində Bakı Musiqi Akademiyasında "Elm çırağı" İctimai birliyinin  "Azərbaycan-Çili  elm və mədəniyyət müstəvisində" mövzusunda tədbirində iştirak etdiyinə görə Yuliya Heydərova mükafata layiq görülmüşdür. Gözəl aktrisanın bu layihədə iştirakına görə İctimayi birliyin sədri həmçinin   Akademik Musiqili Teatrın  rəhbərliyinə də təşəkkürünü bildirib.



Baxış sayı:1416 | Şərhlər:0 | Müəllif: | Əlavə olunma tarixi:22-12-2014, 03:41

Facebook
Faydalı linklər
Heydər Əliyev Fondu
Azərbaycan Prezidenti İlham Əliyev
Azərbaycan Respublikası Mədəniyyət və Turizm Nazirliyi
Счетчик

Яндекс.Метрика